最新帖子

最新回覆

打印

[娛樂新聞] 無綫 向女藝人下令 禁性感

無綫 向女藝人下令 禁性感

appledaily



無綫成日俾人話一台獨大,為咗要確保地位不被動搖,查實佢哋都有好多不成文規定限制藝員同歌手,親生仔女唔可以亮相其他電視台,就算接受訪問都要講普通話,已係正常做法,另外一啲非全職藝員及歌手,只要有合約喺身,除非得批准,如果唔係,亦只可以亮相無綫,礙於無綫嘅覆蓋面大,為咗保住飯碗,惟有啞忍接受!

話晒一間公司有咁多藝人,除非係站穩一線,次次出嚟都已經成為焦點,否則嘅話如果要爭取曝光率,唯一都係最可行嘅方法,當然係性感示人!只要曝光率夠高,除咗得到觀眾嘅留意之外,可以得到廣告商垂青,一眾新晉小生花旦樂此不疲去做呢件事。
但係話晒無綫O依家逐步染紅,點會容許呢啲咁污穢嘅思想喺電視畫面出現呢?劇集「洗太平地」,連藝人都要潔淨,有人秘密向《蘋果》報料,聲稱掌管藝員管理及發展嘅助理總經理樂易玲,噚晚向全台藝員同事發咗一個工作守則,唔鼓勵有太誇張或者賣弄身體、性感鏡頭。


與此同時,無綫亦唔鼓勵喺劇集製作上,會出現強姦或者床上情慾戲嘅情節,如果劇情需要,只可以用意會形式去交代,又或者需著三點式拍攝,會喺適當時候要著上T恤,甚至如果女藝人出埠做嘢,除非有多於一個女藝人,又或者有女性導演或者PA,否則嘅話需要藝員部有同事跟場。
如果啲藝員真係禁性感,以後啲三、四線藝人要樣先可以KEEP住有曝光率?
守則內容節錄,如下:
致各藝員同事
1.公司已制定製作團隊及創作團隊守則,藝員同事不論拍攝戲劇或非戲劇,公司都不鼓勵有太過誇張女性身材及賣弄性感的鏡頭。
2.公司也不鼓勵製作鏡頭拍攝時太過誇張女性身材及賣弄性感,故日後女藝員如需穿着三點式泳衣拍攝,例如水上運動、浸溫泉等的鏡頭,會在適當時候安排穿上T-shirt。
3.公司不鼓勵戲劇製作涉及強姦或床上情慾戲等情節,如有劇情需要,只會用「意會形式」表達交代。

TOP

大台咪神之一嘅高海寧,由於身材惹火,拍過唔少性感戲,不時要晒三點式,當中最爆係拍過劇集《法網狙擊》,被白健恩強姦(新聞連結:2zJJOdQ),搞到背脊紅痕處處兼爆唇,高海寧當時有報道寫到佢好豪放,其實佢都係依照導演要求去做,呢幕已經係佢拍劇嘅底線,事件亦令高海寧心情難過,更有雜誌記者上門騷擾其家人,更拿出強姦劇照問家人睇法。

對於大台今次出「禁性感令」,以後拍強姦戲只會用「意會方式」去表達,同埋女藝人着三點式出鏡,可以喺適當時加T-shirt等,高海寧今日回覆傳媒:「有收到通告,以後着泳衣外面可以加T恤,覺得更加舒服,更加尊重女藝人,係開心事。」


TOP

大台劇近年套套大灑有味鹽花,無啦啦都有強姦戲同床上戲嘅情節,不過今日傳出TVB出通告禁藝人性感,就連劇中性感look都要「點到即止」,咁有時女藝人為咗保住飯碗,就算唔想性感都要頂硬上嘅情況,應該可以改善。

朱晨麗知道公司最新守則,佢回覆傳媒:「我相信呢個指引都係想保護啲女藝人,我覺得健康地性感仲好!」
陳偉琪拍《誇世代》淋香檳喺身,色誘陳豪,又喺大台節目《三日兩夜》着比堅尼,不時有性感演出,佢今日回應傳媒:「我覺得公司此舉是為女藝人得到更多保障,不過過往節目及劇集中,鏡頭前性感打扮都是因應角色及劇情需要,而且電視跟電影不同,尺度好有限,我自己同唔同監製合作,佢哋都好好,溝通清楚個角色設定,同埋性感都算是有限度。我成日都講我做演員都係盡好本份,做好角色要求,其他啲嘢都冇諗。」
龔嘉欣甚少喺劇中行性感,對於公司嘅新安排,佢回應傳媒:「我收到公司通告,相信公司都係為咗保障藝人,所以發出咁樣嘅指引,咁樣對所有人都公平,但是有時拍戲同拍劇,難免有性感演出,相信都係因應劇情同畫面嘅需要,我覺得某程度係可以接受,最緊要係拍戲嘅對手,大家有溝通,更重要是相信大家嘅專業。」

TOP

大台旅遊節目《3日2夜》搵咗張曦雯、陳庭欣、林泳淘及歐陽巧瑩等,去唔同嘅自由行熱門城市,講飲講食之類,當中女藝人都好性感,要着三點式上陣,相當吸睛,引起網上熱話。不過今日傳出無綫唔鼓勵劇集製作上出現強姦或者床上情慾戲,如果劇情需要,只可以用意會形式去交代,同時劇中要着三點式拍攝,會喺適當時候着T恤,甚至如果女藝人出埠做嘢,除非有多於一個女藝人,又或者有女導演或者PA,否則嘅話就有藝員部同事跟場(新聞連結:http://bit.ly/2ju3Pkj)。

有份拍《3日2夜》嘅張㬢雯回應傳媒就話覺得公司冇話唔畀,只係唔鼓勵,佢認為係一件好事,女藝人有個自主權,拍嘢唔怕有壓力一定要着泳衣,賣弄性感,可以選擇適合場合,着泳衣,佢拍《3日2夜》大家都好性感,玩水上活動時可以揀,畀到女藝人保護。
陳庭欣覺得呢個員工守則,最好就係出trip一定要安排一位女同事陪同,傳媒問到佢拍《3日2夜》有泳裝出鏡,佢話:「係呀,未出新指引前拍,所以下次再有機會拍嘅,就follow新指引。」問到陳庭欣喺台慶揀乜嘢晚裝,佢稱今年以型格look示人:「都係着designer設計嘅晚裝,佢一早design咗啦!」

TOP

無綫發指引禁女星賣「色」 三點式要着Tee

TOP

新指引安排女同事一齊出埠 陳庭欣嗌高興

TOP

無綫禁色令 張曦雯話以後冇人再逼到佢

TOP

新指引有保障 陳偉琪做好本分唔諗其他嘢

TOP

無綫禁色令!朱智賢嘆:往事只能回味

TOP

無綫禁色令 咪神陳婉衡私下晒水着

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。