最新帖子

最新回覆

打印

[娛樂新聞] 霍建華突關微博林心如不知情《如懿傳》導演認後悔開劇

霍建華突關微博林心如不知情《如懿傳》導演認後悔開劇


《如懿傳》熱播中,但霍建華突關微博(互聯網圖片)

一向低調嘅霍建華最近同周迅主演嘅《如懿傳》喺東南亞熱播緊,但今日代表佢發聲嘅華傑工作室微博決定關閉,以霍建華名義留言:「從今以後,只想用最純粹的方式和大家交流(就是用影視作品),所以從今天起關閉華傑工作室微博;謝謝一路以來所有支持我的影迷朋友。願大家都有美好的生活!感謝!」

突然宣佈關閉微博,連Facebook一樣關埋,唔少人覺得好奇怪,據知係因為近來《如》劇出街後,有好多水軍存心到佢個微博抹黑,有時又攻擊吓佢老婆林心如,令佢好唔高興,一怒之下,決定將個微博關閉,免得再睇到呢啲抹黑留言火滾。

身在紐約嘅心如,原來都唔知老公關咗微博,佢話:「我在紐約工作,完全不知情,我一向不管他的工作。」

其實之前霍建華都講過只想做一個演員,不願意去理嗰啲同工作無關嘅嘢。唔使開工嗰陣,除咗行山,佢最鍾意喺屋企附近嘅公園散吓步,生活就同一個普通人冇分別。

另外,《如》劇播出以來非議不斷,導演汪俊日前終於接受訪問,話自己好後悔,對唔住一直被網民批評嘅周迅同霍建華等人,話自己一直冇做好。

汪俊解釋,拍呢套劇時,每日開工時間極長,拍到演員殘晒,好幾次攰到想放棄,都有啲後悔接呢個戲,亦因為咁連累一班演員捱更抵夜,缺乏休息,致上鏡殘,包括劇集開播期間周迅個「少女妝」,更遭觀眾大肆撻伐話佢又殘又老,其實係因為周迅日拍夜拍冇假放,一臉倦容,汪俊都話自己要負上極大責任。

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。
Javascript -->