最新帖子

最新回覆

打印

不用靠人,自己搞掂~淘宝網介紹及購買教學~

不用靠人,自己搞掂~淘宝網介紹及購買教學~

經濟不景,想在淘宝購物,其實自己搞掂都好簡單,吾洗下下叫人代購咁浪費金錢~其實有得幾個frd,一齊用少少心機搞一個account ,邊個想買就用這個account ,簡單又方便,一勞永逸~
此簡介copy from yahoo 知識,所以以香港為主角,但其實澳門淘宝用戶都岩用~希望幫到各位^^

如果你想在淘寶網買野, 你要先申請一個account, 就好似 yahoo 拍賣咁, 你要先 activate 左個account 先, 唔需要任何費用的, 好方便

訂野方面要睇下你係想買咩野, 在淘寶入面會有3種唔同的買野方式:
1. 直購
2. 拍賣
3. 團購

1. 直購
直購的意思係, 賣家寫明的開售價就係直購價 (即係我地所講的 fast trade), 因為淘寶原本就唔係一個拍賣網, 唔會話價高者得,如果個賣家有10件貨, 你一"禁 「直接購買」就買左的了, 唔似yahoo 拍賣要等幾日,但係有時有d靚既貨好快會俾人搶晒, 即係話可能1分鐘會冇晒果10件貨, 咁就要用「阿里旺旺」問下個賣家仲會唔會有, 有時賣家會仲有存貨的,所以買前買後去問一問包冇死~

2. 拍賣
拍賣係同yahoo拍賣一樣, 都係以價高者得的方式去買一件貨, 要睇個賣家set左幾多日, 就要等佢完, 不過同香港唔同, 淘寶的賣家如果set左拍賣的話除非你個價好吸引, 否則佢地多數都唔會接受fast trade的

3. 團購
團購係淘寶賣家提供的一個服務, 多數都沒有現貨, 要有一定的人去order先可以拎到佢show出黎的價錢, 即係話, 都係要等, 有d會有限期, 但係有d唔會有限期, 一定要有果個數量的人去訂佢先會end, 而且要先付款的~

如果你在淘寶網入面search的話, 佢default的setting係直購, 如果你要search一d拍賣既貨要自己click個buttom先可以search, 所以唔使驚話唔知邊個係直購邊個係拍賣

佢唔係一定要用visa俾錢的, 但係香港人係用visa最方便咁解, 因為用visa的話即係使用支付寶, 支付寶除左visa之外你只可以去增值你的支付寶account先可以pay到, 而支付寶就係淘寶網入面最安全的交易方法

因為如果你用支付寶去俾錢, 個程序就係如下:
買野 →  用支付寶 (visa) pay 俾個system → 賣家送貨 → 買家收貨 → ckeck左冇事, 滿意貨品 → 在支付寶要個system付款俾個賣家

如果你收左件貨唔滿意 (即係件貨有損壞, 或寄錯款式俾你), 咁你可以向支付寶投訴, 唔俾錢個賣家, 直至個賣家俾番件好的貨你為止,所以有d賣家的貨有一朵黃色的花的logo, 有呢個logo的貨就係話如果買家唔滿意件貨可以先要求支付寶退錢俾你, 再慢慢dealwith件貨, 有好多評估好的買家都會有呢朵黃色花logo的

除左用visa之外,你可以去大陸開一個account係可以support 支付寶的, 但係我問過, 就算果間銀行香港有分行 (例如: 中國銀行, 工商等),你在香港的戶口係唔可以同大陸果個互通的, 即係話, 如果你一定要用銀行過帳的話, 你一定要番大陸開一個account先可以用...

所以在香港, 好多人都係用 visa pay 的, 因為方便~

如果冇visa 的話, 除左直接入錢到賣家的銀行戶口, 都係大陸銀行的, 不過你可以在香港匯過去, 即係如果賣家有大陸的中國銀行戶口, 你可以在香港的中國銀行匯錢俾佢
不過要留意的係: 如果你係直接匯錢俾個賣家, 咁你會冇左支付寶收貨才付款俾賣家的保障, 即係話如果件貨貨不對辦, 你可以退款或退貨的機會會好細,而且由香港匯錢到大陸會有收手續費的, 所以如果你一定要用呢個方法俾錢的話, 我會建議你選擇一d評估好的賣家...

(同香港唔同, 大陸評估好的起碼會有500 )


如果你銀行匯款都唔得的話, 最後的方法就係在網上找人代付支付寶, 多數代付支付寶的匯率會係 1.3 (即你件貨   運費 x 1.3), 匯率會隨RMB的匯率改變, 加上代付的手續費 (大約 HK$30)

又或者你可以搵一個有VISA card的朋友幫一幫你吧~
不過仲有一樣野要留意的係:
唔係張張 visa card 都可以用在支付寶上的
因為支付寶係網上購物, 會有一定的風險, 所以佢為了保障用戶, 減少網上信用卡被盜用的機會, 佢只會接受一d有 visa verify 功能的 card 才可以用. 而且就算你張卡有 visa verify, 你都一定要 activate 呢個功能才用得
如果你想知你張卡有冇呢個功能可以先上你的銀行網址check一check
我暫時知的就係: HSBC, 恒生, 中銀 → 有, CITI BANK, 東亞, 大新 → 冇

你想activate你的visa verify的功能好簡單, 你只需要到 visa 的網站輸入你的card no 同 set 晒佢要求的資料就可以了, 呢個其實係 double security

由於支付寶需要有 visa verify, 所以master card同american express 唔用得~

[ 本帖最後由 畢業生2005 於 2008-12-20 05:10 PM 編輯 ]
本帖最近評分記錄
  • ggg888sao 古古 +10 精品文章 2008-12-20 04:28 PM

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。