最新帖子

最新回覆

打印

[娛樂八卦] 古仔拒搵代母 揀傳統方法

古仔拒搵代母 揀傳統方法

on.cc, 更新日期:2010年10月28日


李家傑借代母誕下三個金叵羅,抱孫的四叔李兆基笑得見牙唔見眼!同樣是城中金鑽王老五的古天樂卻唱反調:「我仲有能力時會選擇傳統方法!」反觀楊其龍和陳細潔卻舉腳贊成!

恒基地產主席李兆基坐擁千億地產及股票王國,一直心急繼後香燈,隨著大公子李家傑到美國找代母於7月誕下三胞胎後,如今四叔有三個男孫在手,即時鬆一口氣!李家傑成功造人,頓時掀起城中一片代母產子熱潮,同樣是金鑽王老五的古天樂、周星馳、胡文新及霍啟剛等,未知會否效法?其中古天樂昨日接受本報電話訪問時,坦言從未考慮過借代母產子:「我係比較中國人o既思想傳統同保守,所以唔會諗!」他會以傳統方法傳宗接代,並笑笑口說:「我諗我仲有能力o既時候,我應該會用傳統方法!」

媽咪冇催婚

可是古仔已年屆40歲,問到母親會否恨抱孫催婚?他說:「我阿媽從來唔會過問我結婚o既事,我亦都從來唔會向外發表我o既感情事,一切隨遇而安!」對於代母產子日漸流行,他說:「以我所知外國好興領養同埋借代母,不過呢o的例子o係中國人社會比較少見,但隨著社會同思想不斷轉變,我諗會愈來愈興!」此外,有傳古仔兩個月前以3.1億元放售香島道獨立屋,淨賺1.5億元,他否認:「根本冇咁o既事,我根本冇買過!」

這邊廂古仔唱反調,那邊廂的楊受成兒子楊其龍(Gilbert)及名媛陳細潔(Abbie)卻認為代母產子不失為權宜良方,Gilbert說:「好主意!當買個保險,如果冇老婆但想生小朋友可以諗!我都係初步諗o下,都未搵到合適醫生同診所。(找代母係咪要舒淇o既性感類型?)冇諗過喎!如果有人肯生已經好開心,我意思係年紀愈大又冇伴侶,我唔會排除!」而Gilbert姊姊楊諾思則踢爆他有過此想法:「過身時,佢有講過,佢又話你o地結晒婚,又冇合適對象,我都鼓勵佢!」

另外,Abbie坦承會考慮:「唔係錢o既問題,而係養育問題,我有個朋友生唔到,但佢奶奶好想抱孫,就用o左150萬搵人生!」此外,與李家傑同是佛教徒的王喜,被問到會否效法對方搵代母生仔?他說:「人有好多種,即使信唔信教,都會有o的人喜歡用叉食飯,有o的人喜歡用筷子食飯,唔同o既人有唔同o既選擇,我會考慮下。」

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。
Javascript -->