最新帖子

最新回覆

打印

其實係咪真係一定要結婚??

其實係咪真係一定要結婚??

呢一兩年開始見到FB不斷出現D朋友結婚, 有左, 生左既POST,
一開始我都好擔心唔知我男朋友有冇諗過我同佢既將來,

之後我地有傾過結婚呢個問題, 知道佢有意同我結婚,

但係依家既我唔知點解又唔係真係好想結婚,

姐係如果佢求婚我應該會應承...但又唔係真係咁恨結, 對婚姻好似冇咩憧憬,

都只係簽張紙...有人話婚姻係一個保障, 係對方願意比個名分你, 但係依家外遇偷食好似已經係經常發生既事, 結左婚過幾年離婚既都好似好平常...



有個同事, 岩岩離左婚, 佢同我講, 話好多人都將婚姻同幸福掛勾,

以為結左婚就一定好幸福, 其實唔係.



又有個朋友既爺爺嫲嫲, 原來咁多年黎一直都冇簽過紙結過婚,

但佢地一樣一齊左咁多年經歷左好多風風雨雨, 有兒有孫,

最後佢地喺上年先正式登記簽紙結左婚



所以我就諗, 結左婚唔代表真係可以一世,

而唔結婚可唔可以真係長相廝守到呢??

TOP

我只可以講話

可以一試

如果因為你認為個男人係好既,值得既咪嫁囉

將來既嘢冇人知

時間環境會改變一個人想法

結婚係一個承諾,代表對你負責任喎

TOP

如果係我結婚我會對佢一世好GE.並唔係一張紙咁簡單.我有信用
即使係天使&惡魔.
我太會隱藏自己的悲傷.
你們憑甚麼去審判我的靈魂.
相信你的選擇.將會變成無可取替之物.

TOP

回復 3# 積克維達 的帖子

結婚好似好大責任咁,當我諗到結婚之後多左個老爺奶奶就會覺得壓力好大咁

TOP

回復 2# 小暴龍 的帖子

我認同你,但有時會自由心作祟....
覺得結左婚生左仔就會冇哂自由咁,以後咩都要以家庭同埋仔女行先,
我都有事業心架嘛...

TOP

結婚證書可以算係一把鎖,同埋可以宣告主權,
結婚可以令雙方更加有責任感,唔會咁易分開
好似stephy同小方,人人都以為佢地會白頭到老
就係因為少左張結婚證書,令佢地兩方都冇左種責任感
覺得分開都冇所謂, 所以...我覺得結婚證書重要
起馬比到雙方一個警提作用
同埋可以趕走啲想接近你老婆ge女人

TOP

引用:
原帖由 kfc55 於 2016-4-6 01:33 PM 發表
結婚證書可以算係一把鎖,同埋可以宣告主權,
結婚可以令雙方更加有責任感,唔會咁易分開
好似stephy同小方,人人都以為佢地會白頭到老
就係因為少左張結婚證書,令佢地兩方都冇左種責任感
覺得分開都冇所謂, 所以...我覺得 ...
你意思係老公呀係咪
但係睇下個銀河小三....結左婚都唔一定綁得住

不過唔知點解我由知道小方同stephy係一齊既戈陣,
我唔覺得佢地真係會白頭到老,
我絕對唔係馬後炮呀,因為我冇追開佢地d戲,
我只係覺得,佢地兩個既戀情承受住太多外界既壓力,
大家都當佢地既愛情係童話,
所以我當然覺得佢地應該係唔會結婚...

TOP

引用:
原帖由 TEO′z 於 2016-4-6 01:45 PM 發表
你意思係老公呀係咪
但係睇下個銀河小三....結左婚都唔一定綁得住

不過唔知點解我由知道小方同stephy係一齊既戈陣,
我唔覺得佢地真係會白頭到老,
我絕對唔係馬後炮呀,因為我冇追開佢地d戲,
我只係覺得,佢地 ...
我打錯字添
佢地只係一個例子~我意思係結婚有一定ge效用
雖然有小三尼啲例子,但係正常人都唔會想做小三!!!!!!
尼個係社會比小三ge壓力
但係如果未結婚就唔同了

TOP

結婚只係一個過程,.
好似我同我老婆咁都未注册,.生活依舊如常.
如果話以結婚同咩咩約定一齊講既話戈啲唔叫結婚係叫簽約.
真正兩個人相愛係唔會講到咩責任感
正如結左婚唔代表個男既唔會出軌一樣,.

我同我老婆懶到連結婚介指都未買

TOP

回復 9# 學生網56k 的帖子

所以其實結唔結都差唔多,感覺上依家結婚好似係要比老一輩一個交代咁既feel....
我老豆老母成日催

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。
Javascript -->