蘇嘉豪大起底之三
街頭搞手只會搞衰澳門大家都記得,香港嘅“佔中”事件,搞到香港“一鑊泡”,經濟受困、社會分化動蕩,影響民生,居民出入極唔方便。唔單止香港人怨聲載道,澳門居民亦感同身受、深惡痛絕!今次“學社前進”候選人蘇嘉豪,就係一個立足於搞亂、搞衰澳門嘅街頭搞手。自佢去台大讀政治系後,就立志通過街頭運動成為引人注目嘅明星。喺讀書期間就頻繁積極參加各種學生運動同社會運動,而且相當衝動積極添!特別喺太陽花學運,蘇嘉豪跟住班台灣學運骨幹,最終練成為街頭搞手。返到澳門,更加急不及待要將台灣學到嘅經驗套用到澳門。只可惜,台灣嘅學運已經俾綠營劫持利用,早已失去理性思想同社會意義。今日嘅台灣,喺綠營嘅統治下,經濟停滯,各行各業不景氣,民生凋敝。試問咁嘅台灣經驗、咁嘅街頭搞手,除咗搞亂、搞衰澳門之外,仲可以做D乜嘢?