最新帖子

最新回覆

打印

[聊天] 個女同事單戀我,但我唔鐘意佢,點好呢?

個女同事單戀我,但我唔鐘意佢,點好呢?

TOP

唉,個女仔好慘,希望佢快啲放棄
佢太主動進取

個男對佢冇feel,仲覺得佢煩

係話樣唔靚問題

似鄭中基扮女人

TOP

醜樣唔係罪,每個人都有表白既權利。

醜樣唔係罪,每個人都有表白既權利。

愛情

「岩岩有條好樣衰既女同我表白啊!」阿強好驚咁打過黎。

「唔係掛!做咩唔可以發展下,反正你都係a0,出pool等依家啦,佢性格都唔錯,可以試試喎!」我回道。

「唔得既,你都知點解啦,我同佢冇可能架!」阿強回道。

如果有一個你認為條件好差既人同朋友表白,好多人第一個反應就係心中竊笑,之後四圍同朋友講,當係一個笑話。或者係報以一個明知故問既問題,問下當時人點解唔可以接受佢,明顯大家都知道咩原因,因為你的樣子如何,你的命運也必如何。

每對男女或者係情侶都會經過相識,曖昧,好似既會係表白,否則就係留下遺憾,好似那些年一樣。成為情侶就會熱戀,慢慢轉向平淡,到最後就會結或者分。每對男女最愛既都會係曖昧同埋熱戀,但表白先係成為情侶既關鍵。絛數情侶因為雙方收埋情感冇勇於表白,而令戀情告終,最後人生留下遺憾。扒白需要勇氣,因為表白者要承受失敗同失去關係既風險。

但我地係到苦惱點樣同對方表白,或者怯懦緊會失敗既同時,我地有冇諗過條件差既表白者,需要比我地有更大同更多既勇氣?樣衰同埋肥係與生俱來,但因為依d條件,就會令佢地成世冇拖拍,但唔代表佢地冇表白既權利。因為佢地只係想分享內心最真實感受。作為旁人既我地,唔應該笑,更加冇資格去笑,因為表白係每個人既權利。

被表白者呢?好心就收下把口!唔好係到掛住笑。因為被表白者可以拒絕同佢拍拖,但無權利踐踏對方對你既愛意,唔好去奚落對方。筆者都係一把賤咀,但最憎人地周圍同人地講,周圍去笑人,話人地唔自量。愛情世界或者係好璋實,或者係一個弱肉強食既世界,但絕對唔可以或者唔應該去扼殺人地對愛情既信心,因為人心其實遠比我地想得脆弱。

有時候一個大話,好比一隻係冬天送黎既暖蛋,佢可以溫暖人心,令到佢地唔好咁凍,對愛情依然有一絲絲既信心。我地只需要行多一步就得。係笑人地既同時,有冇諗過會傷害到人地?人地又冇得罪你,點解要比你笑?最慘既係,笑既大部份都係旁觀者,當事人大部份都唔會點笑,但呢班唔關事既,就成日加把咀埋黎,仲要周圍唱。如果佢地依然覺得自己冇錯,咁我相信佢地已經同民建聯冇分別,同樣係咁無恥。

表白者唔使灰心,因為你地冇錯,你地有權利去咁做。錯不在你地,因為愛情係冇分對錯,只要唔傷害到別人,你就冇錯。筆者好欣賞佢地勇敢去愛,唔怕失敗同埋世俗既眼光,將自己一直放係心底既心願表達出黎。縱使結果係傷心既,係不如意既,但都起碼唔使再帶著遺憾去過日子。

愛情唔係靚仔同埋美女既專利,愛情係屬於每一個人。我唔會係到誇下海口話條件差既人終有一日會搵到真愛,但我可以講既係,佢地唔需要為中意一個人而感到唔好意思,而感到內疚,因為你地冇錯。

希望讀者遇到咁既情況,唔好再加油加醋,因為當事人都未出聲,我地邊有資格出聲?可以有勇氣表白,係一種福份,因為你仲有氣有力,而你心愛既人仲生存係世上,一切安好,縱使得唔到佢既人,都可以係遠處祝福佢。被表白既人,你都好有福氣,因為證明你有一定既吸引力,證明有人係遠處默默咁守護你。

TOP

按傳統, 中出即飛

TOP

仲以為有人暗戀你...
未來的一切~~無法掌握
一切只是命運~~
所有的人和事...
終究都是一個"緣"字

TOP

引用:
原帖由 積加-Zengar 於 2017-12-10 12:13 PM 發表
仲以為有人暗戀你...
咁有人暗戀過我都唔出奇既,我都有時睇得出既讀書戈陣

但我知,佢地會好快又唔鍾意我
因為慢慢發現我性格上,心腸上,魅力上有問題

TOP

引用:
原帖由 可愛暴龍 於 2017-12-10 12:23 PM 發表


咁有人暗戀過我都唔出奇既,我都有時睇得出既讀書戈陣

但我知,佢地會好快又唔鍾意我
因為慢慢發現我性格上,心腸上,魅力上有問題
唉,好心你改變吓
專登搞到自己條件咁差
你已經底子唔係好,仲要整衰自己

TOP

引用:
原帖由 可愛暴龍 於 2017-12-10 12:25 PM 發表


唉,好心你改變吓
專登搞到自己條件咁差
你已經底子唔係好,仲要整衰自己
嚴重人格分裂
未來的一切~~無法掌握
一切只是命運~~
所有的人和事...
終究都是一個"緣"字

TOP

引用:
原帖由 積加-Zengar 於 2017-12-10 13:27 發表

嚴重人格分裂
。。。。。。。看多就習慣了

TOP

張相咁靚仔
ˊ_>ˋ一個人喜歡你的程度,一般和他回你短信的速度成正比。滝澤ローラ ♥

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。
Javascript -->