女仔Friend啲內衣亂咁掛
男人成日叫啲女友或老婆唔好亂諗嘢,其實男人咪又經常亂諗嘢,有時仲話諗埋晒啲衰嘢添!不過呢單嘢究竟係咪當中男網友諗多咗呢?呢位男網民表示有位好玩得埋嘅女性朋友,尤其係兩人都鍾意打機。不過因為之前呢位女性朋友同屋企人住關係,所以對方經常上佢屋企,而為咗方便起見,呢位男網民仲畀咗條鎖匙對方。最近對方搬咗出嚟住,於是叫佢上去打機,點知佢一入屋就覺得奇怪。佢話:「我入到佢間屋,就見到啲底褲同胸圍掛晒出嚟,我咪扮睇唔到囉。不過傾偈時,對眼又不期然咁望咗佢啲內衣幾眼,咪畀佢捉到正囉。佢問我佢啲底褲係咪好多花款,我話係,因為有公仔底又有T-back底,佢跟住笑住同我介紹邊條佢最鍾意,邊條佢成日着。我問佢點解唔掛番入房,佢就話啱啱洗完要吹乾,跟住我就若無其事同佢打機。事後諗番,佢其實係咪色誘緊我,定係我諗多咗呢?」