最新帖子

最新回覆

打印

[討論] AI話事

AI話事

AI(人工智能)唔單只同人搶飯碗,直頭可以決定炒唔炒人,或者係炒邊個?每日營營役役嘅打工仔,睇路呀!

外媒報道,全球網購巨人亞馬遜的掌舵人貝索斯,就利用AI,揪出偷懶嘅員工,有超過900名員工已經中招!亞馬遜在倉務、物流等工作一定要爭分奪秒,員工有效率,先可以成就老闆嘅財富。難怪貝索斯嘅身家達到1,210億美元(約9,438億港元),長期佔據全球首富嘅地位。

統計機構Gartner喺2018年進行咗一項調查,發現全球各行各業嘅組織當中,有22%都會記錄員工嘅活動數據,17%監控員工工作電腦嘅使用數據。

而近日亞馬遜嘅AI系統曝光,名為Time Off Task,變相可統計員工嘅「蛇王」時間,其中倉務員就最易被捉到,只要員工隔一陣沒掃描包裹,機器就會開始計時,睇吓員工蛇王幾耐,甚至會自動發出警告。最恐怖嘅係,呢個系統追蹤住員工嘅生產效率,完全不會聽從人類的意見,直接話炒人就炒,沒情講!早前就有消息指有超過900個亞馬遜員工因爲AI嘅評定而被炒魷魚。

不過,亞馬遜方面就話AI系統只係為咗輔助員工,提供更多訓練畀佢哋,不會炒任何人。不過,係真定假就沒人知啦。

其實公司近年為咗提高工作效率,對員工嘅要求都提高咗,由每小時包裝80件貨品,提升至120件,所以員工連洗手間都不敢去,要用塑膠樽解決,最後導致4,000名員工請願,話要將目標降低15%。

除亞馬遜外,波士頓的創業公司Humanyze亦生產一種可穿戴徽章,配備收音咪同埋藍牙等傳感器。個咪可以收集音頻數據,加速度計可以確定員工是坐緊定係企緊,仲有藍牙同埋射頻識別技術(RFID)來追蹤員工嘅位置,以及佢哋係唔係面對面互動緊(即係傾偈打牙骹)。

另外,跨國零售企業沃爾瑪(Walmart)對收銀員開發咗一種監控系統,能夠根據包裝袋嘅聲音和掃描條形碼嘅速度,嚟推測收銀員係唔係在高效工作。

台灣鴻海集團喺內地嘅富士康工廠,亦都利用視頻鏡頭嚟判別生產線工人係咪認真工作,定係偷緊懶。

TOP

TOP

新宿王子大飯店

優惠價:HK$998

原價:1,050

東京新宿華盛頓酒店

優惠價:HK$768

原價:1,018

新宿新城市酒店

優惠價:HK$778

原價:972

HUNDRED STAY Tokyo Shinjuku

優惠價:HK$861

原價:1,013

重要聲明:本網站討論區內容是以即時上載留言的方式運作,Qoos.com 對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。Qoos.com 有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的內容,敬請自律。
Javascript -->