CP值高的Pre-Wedding!

admin

經朋友介紹同睇過佢地既作品, 所以決定去台灣影我地既Pre-Wedding.
因為我地想影繡球花花季, 而且都幾full下,所以我地係上年10月已經預訂左
期待左半年既攝影, 一d都無令我地失望!!

今次成個攝影行程需時2日半, 我地中午落機, 約左攝影公司下午2點進行溝通同揀禮服
一到步造型師就出黎迎接我地, 之後同攝影師一齊作溝通
一路佢地都好照顧我地, 不停問我地既想法, 務求影到一輯美美既婚紗相!
途中造型師知道我地未食野, 仲特登走出去買台灣小食比我地食~好窩心! 台灣人既熱情呢!!
由於實在太多唔同既禮服揀, 所以都用左幾個鐘先揀到3套衫
不得不讚造型師既改衫技術 即時改完即時再試~讚!!

拍攝當日, 早上9點,造型師就到我地住既酒店幫我地化妝
仲化左個超靚既妝!!!
11點出發去拍攝, 我地去左一個陽明山附近既拍攝基地同上左陽明山影繡球花影到天黑,
大概7點返到酒店~原來真係好攰,哈哈~

到最後個日用左3個鐘揀相, D相太靚啦,
加相75港幣1張左右, 唔算太貴, 所以我加左20張相!haha

整體價錢唔算太貴, 而且質素唔錯~
CP值高!!

以下分享幾張作品啦~